Presidenti i Republikës së Shqipërisë, Bajram Begaj, ka përgëzuar Presidenten e Moldavisë, Maia Sandu, pas fitores së partisë së saj pro-evropiane në zgjedhjet parlamentare të mbajtura së fundmi në vendin lindor evropian.
Përmes një reagimi në rrjetin social X, Presidenti Begaj e cilësoi rezultatin si një tregues të qartë të vullnetit qytetar për të çuar përpara reformat demokratike dhe aspiratat evropiane të Moldavisë.
“Urime të përzemërta Presidentes Sandu. Rezultati i këtyre zgjedhjeve pasqyron besimin e qytetarëve në rrugën e integrimit evropian. Shqipëria mbështet Moldavinë në këtë proces të rëndësishëm strategjik,” theksoi Kreu i Shtetit shqiptar.
