Emiratet e Bashkuara Arabe po ushtrojnë presion mbi kryeministrin izraelit Benjamin Netanyahu që të pranojë propozimin e paqes së Presidentit amerikan Donald Trump për Gazën dhe të braktisë planet për aneksimin e Bregut Perëndimor.
Sipas një zëdhënësi të informuar për Reuters, Emiratet paralajmërojnë se çdo aneksim do të bllokojë normalizimin e mëtejshëm të marrëdhënieve të Izraelit me vendet arabe dhe myslimane, përfshirë Arabinë Saudite.
Qëndrimi i Emirateve u përcoll personalisht nga Ministri i Jashtëm Sheikh Abdullah bin Zayed në një takim me Netanyahu gjatë Asamblesë së Përgjithshme të OKB-së në Nju Jork, por detajet e diskutimit nuk janë bërë publike.
