Deputeti i Partisë Demokratike Saimir Korreshi, ka reaguar me tone kritike dhe ironike ndaj programit të qeverisë gjatë një seance në Kuvend.
Ai ka shprehur shqetësimin për mungesën e debatit mbi çështjet reale të qytetarëve dhe ka kritikuar mënyrën si po menaxhohet fjala në sallë, duke akuzuar kryetarin e Kuvendit për mospërfshirjen e opozitës në diskutime.
“Nuk po flasim për hallet e qytetarëve. Ky program juaj është me buzëkuq, por me çizme me gisht përpara. Kryetar, ke një muaj që as na jep të drejtë fjale, ‘vjedhim’ 2 minuta për procedurë. Nëse doni të ktheni programin qeverisës, kthejeni atë seancë dhe ne flasim tani”, shprehet Korreshi.
