Në një hap të rëndësishëm për komunitetin lokal, u konstitua sot Shoqata “Tirana”, një organizatë që synon të japë zë dhe përfaqësim autoktonëve të kryeqytetit.
Me një Këshill Drejtues prej shtatë anëtarësh dhe Asamblenë me 52 pjesëmarrës, shoqata zgjodhi si kryetar Shkëlqim Hajdarin, i cili premtoi se do të luftojë për njohjen dhe respektin që tironët autokton meritojnë.
“Ky është zëri i një komuniteti që ka dhënë gjithçka pa bujë, por shpesh është lënë pas dore nga politika,” tha Hajdari, duke theksuar se Tirana ka qenë një qytet mikpritës, por autoktonët shpesh kanë marrë më pak sesa kanë dhënë.
Shoqata “Tirana” synon të jetë një urë lidhëse mes qytetit dhe banorëve të tij më të vjetër, duke kontribuar në ruajtjen e traditave dhe adresimin e sfidave lokale.
