Mbrëmjen e sotme në emisionin 5 pyetjet nga Babaramo po diskutohet, Veliaj padit Ramën në kushtetuese.
Arbër Hoxha i ftuar shprehet se në debatin mbi vlefshmërinë e masës së sigurimit ndaj Erion Veliajt dhe ndikimin e saj në statusin e tij si kryetar bashkie, theksohet se mosparaqitja në detyrë nuk është automatikisht shkelje ligjore. Sipas interpretimit ligjor, vetëm një vendim i Gjykatës Kushtetuese mund të çojë në shkarkim real.
“Mosparaqitja në detyrë nuk është vepër penale dhe nuk mund të përdoret si justifikim për shkarkim. Ligjvënësi duhet të kishte përcaktuar nëse një funksionar është në burg ose në masë detyrim paraqitjeje – por jo të thuhet se ndalimi është i pajustifikuar. Mosparaqitja duhet të vijë me vullnetin e individit, jo si pasojë e një mase sigurie që ai nuk ka zgjedhur. Sipas ligjit, një zyrtar mund të paraqitet edhe një herë në tre muaj. Vetëm nëse Gjykata Kushtetuese rrëzon vendimin, atëherë mund të flitet për hyrje në fuqi të shkarkimit,” tha ai.
