Presidenti ukrainas Volodymyr Zelensky ka propozuar krijimin e një mburoje të përbashkët ajrore me aleatët e NATO-s, pas disa ndërhyrjeve ruse në hapësirën ajrore të Polonisë dhe vendeve baltike.
Në Forumin e Sigurisë së Varshavës, Zelensky tha se Ukraina ka kapacitetet për të luftuar dronët dhe raketat ruse, dhe se bashkëpunimi rajonal do të sigurojë armë dhe pajisje të nevojshme. Ai gjithashtu ofroi trajnimin e trupave dhe inxhinierëve polakë për t’u përballur me kërcënimet ajrore.
Nisma u mbështet nga udhëheqës evropianë, përfshirë ministrin gjerman të Mbrojtjes, Boris Pistorius, i cili kërkoi më shumë bashkëpunim mes industrisë mbrojtëse të Evropës dhe Ukrainës. Megjithatë, Pistorius paralajmëroi se ky projekt kërkon kohë dhe kapacitete më të mëdha për tu realizuar.
