Ekzekutohet një shqiptar në Bruksel. Të dielën e kaluar, një kufomë u gjet e varur në një tabelë sinjalizimi në Bruksel.
Policia shkoi në vendngjarje, e shoqëruar nga prokuroria e Prokurorit Mbretëror të Brukselit. “Trupi i një burri 29-vjeçar u gjet në Ring të Brukselit, pranë Anderlehtit,” konfirmon prokuroria.
Sipas mediave belge, viktima është me origjinë shqiptare. “Burri ishte i varur në pjesën e pasme të një tabele sinjalizimi me një kabllo,” thekson prokuroria, duke shtuar se “është ende tepër herët për të përcaktuar rrethanat e sakta të ngjarjes”.
