Modelja dhe influencuesja Arbenita Ismajli ka zbuluar një plan të ri që ka ngjallur menjëherë interesin e ndjekësve të saj.
Përmes një videoje në Instastory, ajo u drejtua fansave me pyetjen: “Çfarë do të dëshironit ju?”, duke hapur rrugën për një projekt të ri në TikTok.
Arbenita njoftoi se planifikon të nisë një profil aktiv në këtë platformë gjatë vitit 2026, me synimin për të ndarë përmbajtje më personale, të sinqertë dhe më të afërt me publikun.
Ky hap tregon dëshirën e saj për të ndërtuar një marrëdhënie më të drejtpërdrejtë me ndjekësit, përtej imazheve të kuruara në Instagram, dhe për të eksploruar më tej rolin e saj si krijuese përmbajtjeje.
