Milani nuk po ndalet vetëm me blerjet në janar, por ka nisur të planifikojë për merkato më larg, duke shfaqur interes për Robert Lewandowskin.
Sipas “Sport”, agjenti i sulmuesit polak, Pini Zahavi, ka nisur bisedimet me drejtorin sportiv të Milanit, Igli Tare. Kuqezinjtë duan të dinë nëse Lewandowski është i gatshëm të transferohet në Serie A, edhe pse kontrata e tij me Barcelonën skadon në qershor 2026.
Lewandowski, që në gusht mbush 38 vjeç, përfiton rreth 33 milionë euro në vit, një shifër e lartë për Milanin, por përpjekjet kanë nisur.
Në garë janë edhe klube nga Arabia Saudite, që ofrojnë pagë dyfish, por sulmuesi preferon të qëndrojë në Europë. Trajneri Allegri, i njohur për preferencën ndaj lojtarëve me eksperiencë, është i gatshëm ta pranojë në skuadër, duke shpresuar për një tjetër “goditje” në stilin e Modric.
