Ministri i Jashtëm egjiptian, Badr Abdelati, deklaroi se Egjipti po bashkëpunon me Katarin dhe Turqinë për të bindur Hamasin që të pranojë planin e presidentit amerikan Donald Trump për armëpushim në Gazë.
Plani përfshin ndaljen e luftimeve, shkëmbim pengjesh, tërheqje graduale të ushtrisë izraelite dhe çarmatimin e Hamasit.
Jemi në kontakte dhe koordinohemi me vëllezërit tanë në Katar dhe gjithashtu me partnerët tanë në Turqi, për të bindur Hamasin që të përgjigjet pozitivisht ndaj këtij plani,” tha Abdelati gjatë fjalës së tij në Institutin Francez për Marrëdhëniet Ndërkombëtare.
Abdelati tha se propozimi kërkon diskutime të mëtejshme, sidomos për çështjet e qeverisjes dhe sigurisë, ndërsa theksoi se Egjipti nuk do të pranojë zhvendosjen e banorëve palestinezë nga Gaza.
