Kryeministri Edi Rama, së bashku me ministrat Pirro Vengu, Albana Koçiu dhe Ervin Demo, morën pjesë në një aktivitet me Forcat Zjarrfikëse, ku Rama theksoi rëndësinë e mbrojtjes së jetës dhe pronave të familjeve shqiptare.
Ai njoftoi gjithashtu për rritje të pagave për zjarrfikësit dhe theksoi nevojën për përmirësimin e sigurimeve ndaj emergjencave civile, duke theksuar përgatitjet për masa të reja kundër zjarrvënësve.
“Duhet të rriten sigurimet për jetën, për banesat dhe për bizneset, për t’u përgatitur për emergjencat civile. Te zjarret klima ka ndikimin e vetë të madh, por ana tjetër e medaljeve janë zjarrvënësit, për të cilët do të kemi shtrëngim të ri në kodin penal. Është përgatitur dhe do të kalojë për konsultim publik, bashkë me masat e tjera në dëm të territorit. Do kalojë në tjetër nivel trajtimi e mbështetje! Zjarrfikësit do të përfshihen në formulën e rritjes së pagave të FA.
Do të bëjmë rritje të vazhdueshme të pagës, e domosdoshme dhe e rëndësishme. S’dua që punonjësit e policisë të mendojnë se do jemi ca të nënës e ca të njerkës, por ndaj zjarrfikësve kemi një borxh që s’mund ta lëmë të thellohet. Ata përballen me sfidë kolosale, gjithnjë e më të madhe çdo stinë vere, pagat e tyre nuk i përgjigjen lartësisë së kësaj sfide.”, tha ai.Rama: “Zjarrfikësit do të përfshihen në rritjen e pagave dhe do të marrin mbështetje të re
