Vazhdimësia e monitorimit dhe mbrojtjes së zonave të mbrojtura, së bashku me moratoriumin e gjuetisë, po jep rezultatet e para të prekshme në shtimin dhe ruajtjen e faunës së egër në Shqipëri.
Parku Kombëtar i Shebenikut, një nga zonat më të rëndësishme natyrore në vend, po kthehet gjithnjë e më shumë në një model të suksesit për ruajtjen e biodiversitetit.
Pamjet e fundit nga kamerat kurth të vendosura në këtë park dëshmojnë praninë e kafshëve të egra si kaprollë, derra të egër, dhelpra dhe lepuj, duke dëshmuar rigjallërimin natyror të kësaj zone të mbrojtur.
“Kartolinë pamjesh të veçanta nga Parku Kombëtar i Shebenikut, si një kujtesë se fauna është një thesar i çmuar i zonave tona të mbrojtura dhe çdo ditë përpiqemi t’u ofrojmë habitate sa më të shëndetshme”, – shkruan kryeministri Edi Rama në rrjetet sociale, duke ndarë edhe pamjet e kapura nga kamerat.
