Gjon Shkëmbi është identifikuar si personi që qëlloi për vdekje me armë zjarri gjyqtarin Astrit Kalaja ditën e sotme në ambientet e Gjykatës së Apelit në Tiranë.
Kalaja kishte në dorë një çështje pronësie ku ishte i përfshirë autori, ndaj edhe besohet se motivi i krimit ka pasur të bëjë me këtë rast.
Autori i dyshuar ka plagosur dhe dy persona të tjerë, babë e bir, të cilët janë jashtë rrezikut për jetën.
Dinamika e ngjarjes është e paqartë, pasi nuk dihet se si autori ka mundur të futet me armë brenda në ambientet e gjykatës, pasi në hyrje të saj ka një detektor metalik.
