Të shtënat e ndodhura në Gjykatën e Apelit në Tiranë këtë të hënë, 6 tetor, i morën jetën gjyqtarit Astrit Kalaja dhe plagosën dy persona të tjerë, babë e bir, Rakip dhe Ervis Kurtaj.
Sipas të dhënave të deritanishme, babai ka marrë mjekim dhe është larguar nga spitali, ndërsa i biri mësohet se i është nënshtruar një ndërhyrjeje kirurgjikale. Megjithatë, ai nuk raportohet të jetë në rrezik për jetën.
Të shtënat u raportuan rreth orës 16:00 të kësaj të hëne, brenda ambienteve të Gjykatës së Apelit. Autori i dyshuar i ngjarjes u arrestua nga policia, e cila ndërhyri menjëherë sapo u njoftua për ngjarjen e rëndë.
