Mbrojtësi i kombëtares shqiptare, Ardian Ismajli, do të mungojë në sfidën e rëndësishme kundër Serbisë më 11 tetor, pas një dëmtimi të konfirmuar nga klubi i tij, Torino.
Ismajli u largua nga fusha më 29 shtator gjatë ndeshjes me Parmën dhe pas ekzaminimeve mjekësore u konstatua një lëndim që e mban jashtë për të paktën tre javë.
Trajneri Sylvinho, i cili fillimisht e përfshiu në listë, pritet ta zëvendësojë atë me Arlind Ajetin, ndërsa në dispozicion janë edhe Enea Mihaj dhe Klisman Cake.
