Gjatë diskutimeve në Komisionin për Çështjet Europiane dhe Punët e Jashtme mbi projektligjin për menaxhimin e mbetjeve, deputetja e Partisë Demokratike, Jorida Tabaku, ngriti një sërë shqetësimesh lidhur me mungesën e transparencës dhe rrezikun që drafti të përsërisë gabimet e mëparshme.
Ajo kërkoi gjithashtu që ligji të shoqërohet me masa të qarta për riciklimin dhe të adresojë çështjet e tarifave dhe importit të mbetjeve.
“Ky është drafti i tretë dhe, ndryshe nga sa pretendon qeveria, nuk është konsultuar publikisht. Ne kemi një ligj që vjen pa transparencë dhe pa përfshirje të grupeve të interesit. Nëse nuk kemi një sistem të qartë riciklimi dhe nuk përcaktohet si do të funksionojë cikli i mbetjeve me sektorin privat, ligji mbetet bosh. Duhet të sqarojmë gjithashtu nëse ky ligj lejon apo jo importin e mbetjeve”, deklaroi Tabaku.
