Flamurtari ka marrë një vendim të rëndësishëm pas fillimit të vështirë të sezonit. Trajneri spanjoll u shkarkua nga posti i tij pasi skuadra ka arritur vetëm dy pikë deri tani dhe ndodhet në vendin e fundit në renditje.
Humbja ndaj Dinamos duket se ishte pika që bëri që klubi të marrë këtë vendim drastik, duke prishur planet e nisura me shumë premtime. Kjo ngjarje i ngjan edhe asaj të Partizanit, ku trajneri Mlladen Milimkovic u shkarkua një ditë më parë pas humbjes në derbi me Tiranën.
Për momentin, në Partizan trajner i ri është Oltjon Kërnaja, i cili po merr drejtimin e ekipit B dhe pritet të marrë përgjegjësitë e skuadrës kryesore.
