Aktori Julian Deda ka komentuar vendimin e Partisë Demokratike për të mbështetur kandidaturën e Florjan Binajt, aktorit tjetër të humorit, në zgjedhjet për Bashkinë e Tiranës. Deda, i cili vetë kishte kandiduar në primaret e PD-së dy vite më parë pa u përzgjedhur, thekson se atëherë ideja e kandidimit të një aktori humori ishte e papranueshme, ndërsa sot është pranuar si diçka normale.
Në reagimin e tij në rrjetet sociale, ai e sheh këtë si një “progres të madh” dhe i jep komplimente PD-së për ndryshimin e mentalitetit. Megjithatë, Deda shpreh edhe shqetësimin që mbështetja e opozitës ndaj Binajt të mos jetë vetëm një lojë politike që mund të dëmtojë figurën e tij.
“Uroj Florjanin për sukses dhe shpresoj që mbështetja të jetë e sinqertë, jo vetëm për t’u dukur në publik,” shkruan ai, duke aluduar tek përvojat e mëparshme të figurave të tjera politike që janë “djegur” nga loja e pushtetit.
