Kukësi ka zyrtarizuar rikthimin e trajnerit Bledar Devolli në krye të skuadrës, me qëllim rikthimin e klubit në Kategorinë Superiore.
Devolli, i cili kishte drejtuar Kukësin edhe dy sezone më parë, do të udhëheqë projektin sportiv në këtë fazë të re të ekipit.
Klubi i Kategorisë së Parë ka arritur marrëveshjen me trajnerin, duke shprehur besimin se ai është njeriu i duhur për ta çuar Kukësin sërish në elitë.
