Presidentja e Komisionit të BE-së, Ursula von der Leyen, në një fjalim të mbajtur në Parlamentin Europian, ka bërë të qartë se Evropa po përballet me një lloj lufte hibride që kërkon më shumë se sa mbrojtje tradicionale.
Ajo tha se Rusia, pa e përmendur drejtpërdrejt për çdo incident, synon të shkaktojë përçarje në kontinent dhe është përgjegjëse për disa sulme të fundit, përfshirë sulme kibernetike, prishje të infrastrukturës dhe fushata ndikimi gjatë zgjedhjeve.
“Ky nuk është një veprim i rastësishëm, por një fushatë e qëllimshme për të tronditur qytetarët tanë dhe për të dobësuar mbështetjen ndaj Ukrainës,” tha von der Leyen.
Sipas saj, përballja me këto kërcënime kërkon një mentalitet të ri, ku BE-ja duhet të përqendrohet në teknologji si softuerët për dronë, pjesët rezervë për tubacionet, si dhe në reagime të shpejta kibernetike dhe fushata ndërgjegjësimi publik.
“Zgjedhja është e thjeshtë: ose do të shmangim kërcënimet dhe do t’i lejojmë të përshkallëzohen, ose do t’i përballemi me unitet dhe vendosmëri,” përfundoi presidentja e Komisionit.
