Në Asamblenë e Partisë Socialiste të zhvilluar sot në Vlorë, është prezantuar zyrtarisht Brunilda Mersini si kandidate për kryetare të Bashkisë.
Në një takim të drejtuar nga Blendi Çuçi dhe me pjesëmarrjen e deputetëve e strukturave lokale, Mersini u shpreh se është një privilegj të jetë gruaja e parë që përfaqëson PS-në në këtë garë.
Ajo premtoi angazhim për zhvillimin e qytetit dhe një qeverisje transparente e në bashkëpunim me qytetarët.
Pas mbledhjes, Çuçi dhe Mersini dhanë deklarata për mediat, duke theksuar rëndësinë e unitetit në prag të nisjes së fushatës zgjedhore.
