Qeveria miratoi sot një vendim të ri për forcimin e sigurisë së zyrtarëve të institucioneve të drejtësisë së posaçme kundër korrupsionit dhe krimit të organizuar.
Kryetarët e gjykatave kundër korrupsionit dhe krimit të organizuar dhe drejtori i Byrosë Kombëtare të Hetimit do të kenë mbrojtje me truproja të nivelit bazë dhe të mesëm gjatë mandatit dhe për deri në dy vjet pas përfundimit të tij.
Ndërkohë drejtuesi i Prokurorisë së Posaçme do të sigurohet me mbrojtje të njëjtë gjatë mandatit dhe për deri në tre vjet pas përfundimit të tij.
Këto masa synojnë të mbrojnë zyrtarët që janë në vijën e parë të përballjes me krimin e organizuar dhe korrupsionin duke garantuar siguri edhe pas përfundimit të detyrës.
Vendimi ka për qëllim të krijojë kushte më të sigurta për punën dhe jetën e këtyre funksionarëve dhe të forcojë besimin në institucionet e drejtësisë.
