Gjyqtarët në vend kanë ngritur zërin për mungesën e sigurisë dhe kushteve minimale për ushtrimin e detyrës së tyre.
Në një deklaratë të përbashkët pas mbledhjes së zhvilluar, ata kërkojnë reagim urgjent nga institucionet shtetërore, duke paralajmëruar se një sistem drejtësie i pavarur nuk mund të ekzistojë pa garantuar sigurinë fizike dhe institucionale të atyre që e përfaqësojnë.
“Kërkojmë siguri dhe kushte për ushtrimin me ndershmëri të funksionit, thirrje për veprim. Sistemi gjyqësor po përballet me mungesë sigurie, godina të amortizuara. Drejtësia ka nevojë për forcimin, kushte të sigurta. KLGJ duhet të reagojë me forcë dhe përgjegjshmëri, kjo nuk është thirrje për konflikt. Pushteti legjislativ dhe ekzekutiv duhet të marrin përgjegjësi për gjendjen ku ndodhet drejtësia”, tha ajo.
