Të dielën, më 12 tetor, mbi 2 milionë qytetarë të Kosovës votojnë për kryetarët e 38 komunave dhe anëtarët e kuvendeve komunale. Votimi nis në orën 07:00 dhe përfundon në 19:00.
Në garë janë 93 subjekte dhe 205 kandidatë për kryetarë komune. Zgjedhjet zhvillohen në një klimë të tensionuar, veçanërisht në veri, ku Lista Serbe pritet të rimarrë kontrollin në katër komuna.
Gara më e ndjekur pritet të jetë ajo në Prishtinë, mes Përparim Ramës (LDK), Uran Ismailit (PDK) dhe Hajrulla Çekut (VV).
