Simpatizantët e Partisë Demokratike të Kosovës kanë nisur festimet në rrugët e Mitrovicës së Jugut, pas rezultateve të para që parashikojnë fitoren e kandidatit të kësaj partie, Arian Tahiri, në raundin e parë të zgjedhjeve lokale.
Mbështetësit e PDK-së janë parë të grumbulluar në sheshe dhe rrugë kryesore të qytetit, duke valëvitur flamuj kombëtarë e partiakë dhe duke festuar.
Sipas exit poll-eve dhe projeksioneve të para, Tahiri pritet të sigurojë shumicën e votave pa pasur nevojë për balotazh, duke e kthyer Mitrovicën e Jugut në një tjetër bastion të PDK-së.
Atmosfera festive po zhvillohet nën praninë e forcave të rendit, të cilat po monitorojnë situatën për të garantuar mbarëvajtjen e tubimeve.
