Gjatë raportimit në Komisionin për Çështjet Ligjore dhe Administratën Publike, kreu i ILD-së u pyet nga deputeti i Partisë Liberale, Tedi Blushi, për hetimin ndaj gjyqtares Irena Gjoka, e cila ka kryer hetimin paraprak në dosjen “Partizani”.
Metani theksoi se Gjoka nuk ka qenë asnjëherë në inspektim nga ILD dhe se nuk është nisur asnjë hetim ndaj saj. Ai shtoi se të gjitha hetimet për rastin e saj janë përfunduar brenda afateve dhe se aktualisht janë duke pritur fakte për ndonjë shkelje eventuale, në bashkëpunim me institucione të tjera që merren me dekriminalizimin.
Në pyetjen nëse ka ankesa për prokurorët e SPAK dhe gjyqtarët e Gjykatës së Apelit për Krimet e Rënda, Metani tha se nuk jep emra për të ruajtur imazhin e tyre.
