Presidenti francez Emmanuel Macron reagoi pas lirimit të shtatë pengjeve izraelite nga Hamasi, duke e quajtur këtë një moment shprese për rajonin.
“Ndihem pranë familjeve dhe popullit izraelit. Paqja është e mundur për Izraelin, Gazën dhe gjithë rajonin”, shkroi Macron në platformën X, pak pas mbërritjes në Sharm el-Sheikh, ku mbahet sot “Samiti i Paqes” për Gazën.
Sipas tij, Franca do të angazhohet në çdo hap të planit të Presidentit Trump, në bashkëpunim me partnerët arabë.
Gjatë ditës pritet të lirohen edhe pengje të tjera izraelite.
