Policia e Shkodrës ka asgjësuar mbi 4,000 bimë kanabis dhe ka sekuestruar 510 gramë lëndë narkotike në formën e boçes, në disa fshatra të qarqit.
Në lidhje me këtë rast, janë proceduar penalisht 5 kryetarë fshatrash për shpërdorim detyre. Kryetarët e fshatrave Nënmavriq L.L., Leknikaj K.K., Kuje D.V., Vuksanaj K.Gj. dhe Palaj K.K. janë referuar në Prokurori, ku ky i fundit akuzohet edhe për moskallëzim krimi.
Policia po vijon kontrollet në zonat Pult, Ana e Malit, Shosh dhe Shalë, duke kërkuar të identifikojë dhe kapë përgjegjësit e kultivimit të kanabisit.
