Partia Demokratike ka dorëzuar sot në Kuvend një kërkesë për nisjen e procedurës për shkarkimin e Presidentit të Republikës, Bajram Begaj, duke argumentuar se ai ka kryer disa shkelje të rënda kushtetuese.
Kryetari i Grupit Parlamentar të PD, Gazment Bardhi, deklaroi se dokumenti i dorëzuar përmban analizën e shtatë shkeljeve që sipas partisë dëmtojnë rendin kushtetues dhe pengojnë ushtrimin normal të detyrës presidenciale. Ai shtoi se argumentet janë mbështetur në Kushtetutë, ligjet e brendshme dhe vendimet e Gjykatës Kushtetuese.
PD-ja thekson se, pas shqyrtimit të provave, Presidenti Bajram Begaj nuk mund të vazhdojë të ushtrojë funksionin e kreut të shtetit dhe kërkon që Kuvendi të nisë menjëherë procedurat për shkarkim.
