Detaje të reja kanë dalë në lidhje me dorëzimin e Kamber Sulçes, i dyshuar si autori i vrasjes së biznesmenit italian Eduardo Sarchi, ngjarje që tronditi zonën e Gjirokastrës.
Sulçe është dorëzuar vetë në polici, duke sjellë me vete edhe armën e gjahut me vjaska, me të cilën dyshohet se kreu krimin.
Sipas policisë, ai nuk ka pranuar të japë deklarime lidhur me motivet apo rrethanat e ngjarjes dhe ka kërkuar që shpjegimet t’i japë më vonë, në praninë e avokatit.
Ngjarja ndodhi në aksin “Nivicë-Salari”, ku gjatë të shtënave humbi jetën biznesmeni E.S.
Sulçe akuzohet për vrasje në rrethana cilësuese, mbajtje pa leje të armëve dhe prodhim dhe shitje të narkotikëve.
Materialet janë referuar Prokurorisë së Gjirokastrës për veprime të mëtejshme.
