Gjykata e Posaçme për Korrupsionin dhe Krimin e Organizuar ka shpallur fajtor Robert Myftarin, i akuzuar për trafik narkotikësh në kuadër të një grupi të strukturuar kriminal.
Ai është dënuar me 10 vite burg, pas bashkimit të disa veprave penale, përfshirë “trafikimin e narkotikëve”, “grup të strukturuar kriminal” dhe “kryerje veprash nga organizatë kriminale”.
Gjykata urdhëroi gjithashtu konfiskimin e një gomoneje të përdorur për trafik droge, e sekuestruar në vitin 2015 me rreth 800 kg lëndë narkotike, e cila do t’i kalojë shtetit shqiptar.
Myftari do ta vuajë dënimin në një burg të sigurisë së lartë.
