Veterani i Ushtrisë Çlirimtare të Kosovës, Hysni Gucati, ka mbajtur një fjalim gjatë protestës që u zhvillua sot në Tiranë, në mbështetje të lirimit të katër ish-komandantëve të UÇK-së që ndodhen në paraburgim në Hagë.
Gucati deklaroi se lufta e UÇK-së është e drejtë dhe e vërtetuar nga vetë historia dhe populli, ndërsa u shpreh se Gjykata Speciale ka humbur besimin e shqiptarëve.
Ai theksoi se nuk kërkohet mëshirë, por drejtësi e barabartë.
“Nuk mund të barazohet viktima me agresorin. Emri i komandantëve tanë nuk do të përdhoset. Kjo protestë është zëri i popullit shqiptar, jo i politikës.
UÇK-ja nuk ishte kriminele, por çlirimtare”, u shpreh Gucati para qytetarëve të mbledhur në shesh.
Ai përmbylli fjalën duke thënë se Tirana sot përfaqëson gjithë shqiptarët dhe kjo protestë është thirrje e ndërgjegjes kombëtare.
