Ish-luftëtari i UÇK-së, Agim Pllashniku, ka nisur në këmbë udhëtimin nga Prishtina drejt Tiranës për të marrë pjesë në protestën në mbështetje të komandantëve të UÇK-së në Hagë.
Në një prononcim nga sheshi Skënderbej, ai apeloi për pjesëmarrje masive, duke theksuar se aktakuzat ndaj komandantëve janë të fabrikuara nga Serbia dhe përbëjnë një dënim për gjithë popullin shqiptar.
Pllashniku u shpreh se, edhe pse udhëtimi ishte i vështirë dhe ka disa probleme shëndetësore, do të qëndrojë deri në fund në protestë. “UÇK ka qenë gjithë populli shqiptar, dhe duhet të mbrojmë komandantët tanë,” tha ai.
