Sheshi “Skënderbej” në Tiranë u mbush pasditen e sotme me mijëra qytetarë nga të gjitha trevat shqiptare, në një protestë të madhe në mbështetje të Ushtrisë Çlirimtare të Kosovës dhe për lirimin e ish-krerëve të saj që ndodhen në Hagë: Hashim Thaçi, Kadri Veseli, Jakup Krasniqi dhe Rexhep Selimi.
Protesta u shoqërua me fjalime të forta në mbrojtje të luftës çlirimtare dhe këngë patriotike nga artistë të njohur si Shkurte Fejza dhe Arif Vladi.
Tubimi zgjati mbi një orë dhe pritet të pasohet nga një protestë tjetër e ngjashme në Shkup, në ditët në vijim.
