Presidenti amerikan Donald Trump ka bërë të ditur se presidenti ukrainas Volodymyr Zelensky nuk do të jetë pjesë e takimit të mundshëm që pritet të zhvillohet në Hungari. Megjithatë, Trump theksoi se do të mbajë Zelenskyn të informuar vazhdimisht për çdo zhvillim dhe bisedë që lidhet me konfliktin në Ukrainë.
Ky njoftim vjen në prag të përgatitjeve për një samit të dytë mes Trump dhe presidentit rus Vladimir Putin, që mund të mbahet së shpejti në Budapest. Ndërkohë, Zelensky zhvilloi sot një takim në Shtëpinë e Bardhë me Trump, ku u organizua edhe një konferencë për media me pjesëmarrjen e të dy liderëve.
