Tenori i famshëm italian Andrea Bocelli i ka bërë një vizitë të veçantë ish-presidentit amerikan Donald Trump në Shtëpinë e Bardhë. Gjatë takimit, Bocelli ka interpretuar shkurt këngën e tij të njohur “Time to Say Goodbye” në Zyrën Ovale, ndërsa Trump e dëgjonte nga pas tavolinës presidenciale.
Pamjet janë shpërndarë nga asistentja e Trump, Margo Martin, në platformën “X”, ku shihen të dy teksa bisedojnë e më pas dëgjojnë një nga regjistrimet e këngëtarit italian.
Trump ka bërë të ditur se Andrea Bocelli do të rikthehet në Shtëpinë e Bardhë më 5 dhjetor për një performancë të plotë, pak ditë para ceremonisë së nderimit në Qendrën Kennedy.
