Piloti holandez Max Verstappen, katër herë kampion bote në Formula 1, triumfoi në garën sprint të zhvilluar në pistën e Austin, duke fituar pikë të rëndësishme në garën për titull.
Gara u karakterizua nga aksidente të shumta, përfshirë një përplasje mes dy pilotëve të McLaren, Lando Norris dhe Oscar Piastri, që u përfshinë edhe me Fernando Alonso-n dhe dolën jashtë garës. Një aksident tjetër ndodhi në fund të garës mes pilotëve Stroll dhe Ocon, duke sjellë edhe një herë ndërhyrjen e makinës së sigurisë.
George Russell përfundoi i dyti, ndërsa Carlos Sainz u rendit i treti në podium. Lewis Hamilton e përfundoi garën në vendin e katërt, duke kaluar shokun e tij të skuadrës Charles Leclerc, i cili u rendit i pesti.
