Udhëheqësi Suprem i Iranit, Ajatollah Ali Khamenei, ka refuzuar një ofertë të presidentit amerikan Donald Trump për rifillimin e negociatave bërthamore, duke e cilësuar si një veprim të njëanshëm dhe jo të sinqertë.
Në një deklaratë të publikuar nga mediat shtetërore iraniane, Khamenei tha se “nëse një marrëveshje vjen me shtrëngim dhe rezultati i saj është i paracaktuar, nuk është marrëveshje, por imponim dhe presion.”
Këto komente vijnë pas përfundimit të një fushate ajrore 12-ditore të ndërmarrë nga Izraeli dhe SHBA ndaj objektivave iraniane, të cilat u raportuan si pjesë e përpjekjeve për të goditur kapacitetet bërthamore të Teheranit.
Pavarësisht ofertës së Trump për një “marrëveshje paqeje”, në vijim të një armëpushimi në Gaza, Khamenei theksoi se Teherani nuk do të pranojë bisedime që nuk respektojnë sovranitetin dhe interesat kombëtare të Iranit.
