Ish-deputeti Agron Duka shprehet se Partia Agrare Ambientaliste mbështet kandidatin Florjan Binaj për Bashkinë e Tiranës.
“Sot morëm pjesë në takimin e parë të organizuar nga kandidati i pavarur për Bashkinë e Tiranës, Florian Binaj — një nismë që bashkon spektrin opozitar dhe qytetarët që besojnë në ndryshim real.
Partia Agrare Ambientaliste (PAA) mbështet këtë frymë bashkimi si një shenjë të qartë se politika mund të jetë në shërbim të njerëzve, përtej ndasive partiake.
Në këtë platformë, që pritet të prezantohet së shpejti, ne shohim mundësinë për të sjellë ide të reja, qasje të ndershme dhe politika të qëndrueshme për kryeqytetin.
PAA do të vijojë të jetë një zë i fortë për mjedisin, bujqësinë dhe zhvillimin e ekuilibruar urban, duke kontribuar me përvojën dhe vizionin tonë në këtë frymë bashkëpunimi” shkruan ai.
