Sot pritet të zhvillohet seanca paraprake për ish-kryebashkiakun e Tiranës, Erion Veliaj, bashkëshorten e tij Ajola Xoxa dhe të tjerë të përfshirë në një skemë të dyshuar korrupsioni dhe pastrimi parash.
Në këtë seancë do të shqyrtohet nëse çështja do të kalojë për gjykim. Veliaj ndodhet në paraburgim që prej 10 shkurtit, ndërsa më 2 tetor, Gjykata e Lartë rrëzoi kërkesën e tij për një masë sigurie më të butë.
Sipas SPAK, çifti ka përfituar rreth 1 milion euro përmes një skeme të ndërlikuar, duke përdorur kompani dhe OJF për të përvetësuar fonde publike dhe ryshfete nga kontraktorë të bashkisë.
