Tre persona kanë mbetur të plagosur paraditen e sotme në një aksident mes dy automjeteve në aksin nacional Kukës–Krumë.
Të lënduarit janë transportuar në Spitalin Rajonal të Kukësit dhe ndodhen nën kujdes mjekësor.
Sipas të dhënave paraprake, lagështira në rrugë ka bërë që njëri prej shoferëve të humbë kontrollin, duke shkaktuar përplasjen.
Policia dhe grupi hetimor ndodhen në vendngjarje dhe po punojnë për zbardhjen e plotë të rrethanave.
