Shefi i sapoemëruar i shtabit të Francës, gjenerali Fabien Mandon, ka paralajmëruar se vendi i tij mund të përfshihet në një konflikt me Rusinë brenda vitit 2028.
Ai tha se Rusia mund të testojë forcën e Evropës Perëndimore dhe theksoi nevojën për rritjen e shpenzimeve të mbrojtjes.
Ministrja e Forcave të Armatosura, Catherine Vautrin, njoftoi se buxheti ushtarak për vitin 2026 do të arrijë 57.1 miliardë euro, duke u rritur me 13% krahasuar me vitin 2025, për të përforcuar gatishmërinë e Francës ndaj kërcënimeve.
Rusia, nga ana e saj, mohon planet për sulme në Evropë dhe e konsideron situatën si një përgjigje ndaj provokimeve të NATO-s.
