Parlamenti i Kroacisë ka vendosur të rikthejë shërbimin ushtarak të detyrueshëm, në një kohë kur tensionet në Evropë janë rritur pas pushtimit rus në Ukrainë.
Ligjvënësit miratuan ndryshimet ligjore me 84 vota pro, 11 kundër dhe 30 abstenime, në një parlament me 151 anëtarë. Sipas ligjit të ri, shërbimi ushtarak do të zgjasë dy muaj dhe do të përfshijë një “trajnim bazë ushtarak”.
Ky vendim shënon rikthimin e rekrutimit të detyrueshëm, i cili ishte pezulluar që nga viti 2008, kur Kroacia kaloi në një sistem ushtarak vullnetar.
