Gjykata e Durrësit ka liruar nga qelia katër të arrestuarit për vrasjen e dyfishtë në Manzë pak ditë më parë. Erald Cani, Ergi Kadiu, Taulant Beqja dhe Emirian Beqja 34 vjeç, të gjithë banues në Manzë, u lanë në masën “detyrim paraqitjeje” dhe “ndalim të daljes jashtë vendit”.
Ndërkohë autori i dyshuar i njërës prej vrasjeve, Daniel Pepa 21 vjeç është ende në kërkim. Ai dyshohet si autor i vrasjes së Flori Paluçit. Në kërkim është dhe Gëzim Allçi, i cili akuzohet se e ndihmoi të largohet nga vendi i ngjarjes.
Aranit Kurti dhe Flori Paluçi u vranë në orët e para të mëngjesit të së mërkurës pas një sherri banal në një nga lokalet e Manzës. Shkak për sherrin mes tyre dyshohet se bë një kafe, ndërsa hetimet për të zbardhur ngjarjen e rëndë vijojnë.
