Kreu i SPAK, Altin Dumani, u përgjigj sot në Kuvend lidhur me pyetjen e deputetit Klevis Balliu mbi hetimet për vëllain e kryeministrit, Olsi Rama, dhe laboratorin e Xibrakës.
Dumani sqaroi se hetimet janë mbyllur pasi nuk u gjetën prova që të vërtetonin përfshirjen e tij në trafikimin e narkotikëve:
“Kjo ka të bëjë me laboratorin e Xibrakës dhe Balliu i referohet një hetimi të SPAK për implikimin e mundshëm të Olsi Ramës në trafikim të narkotikëve. SPAK rifilloi hetimet, kreu të gjitha veprimet e nevojshme, dhe në përfundim konkludoi me pezullim të hetimeve për shkak se nuk u zbuluan autorët e veprës penale. Hetimet i kanë kaluar për ndjekje të mëtejshme Policisë së Shtetit.”
