Në emisionin “5 Pytjet nga Babaramo”, juristi Kreshnik Spahiu komentoi hetimin ndaj Belinda Ballukut dhe masat e mundshme të sigurisë.
“Belinda Balluku nuk arrestohet, nuk shkon në arrest shtëpie, nuk i merret pasaporta dhe shtëpia nuk kontrollohet, sepse ajo ka ende statusin e deputetes. Masa e vetme e sigurisë është që të mos largohet nga Kuvendi, ndërsa masat e tjera duhet të kalojnë përmes procedurave të Kuvendit, siç është bërë edhe me Kryemadhin. Çdo vendim duhet të bazohet te rrezikshmëria, jo tek shifrat. Mund të ketë bashkëpunim, dhe si pasojë vendoset masa e sigurisë, por ajo duhet të jetë proporcionale. Kanë gjetur telefona dhe biseda, por askush nuk e ka saktësuar për çfarë bëhet fjalë. Balluku do të jetë në hetim, si të gjitha gratë e tjera, Kryemadhi dhe gruaja e Veliajt. Tani duhet pritur për të parë se çfarë do të ndodhë,” tha Spahiu.
