Më 28 tetor 2025, i paraburgosuri Brendon Ronald Saporito, 57 vjeç, është gjetur i varur në dhomën e tij nga bashkëvuajtësit në IEVP Shkodër.
Punonjësit e institucionit e kanë nxjerrë me puls dhe me shenja jete drejt urgjencës, ku stafi mjekësor ndërhyri menjëherë, por pavarësisht përpjekjeve, ai nuk arriti të mbijetojë.
Saporito ndodhej në burg për masën e sigurisë “Arrest në burg”, i dyshuar për veprën penale “Vrasje për shkak të marrëdhënieve familjare”. Ai ishte arrestuar më 2 maj 2025 dhe ishte sjellë në institucion më 4 maj 2025.
Ngjarja është raportuar menjëherë dhe po kryhen hetimet për sqarimin e rrethanave, me bashkëpunimin e Prokurorisë dhe Shërbimit të Kontrollit të Brendshëm në Burgje.
