Ish-ndihmës sekretar i Shtetit të SHBA-së, James Rubin, ka shprehur shqetësimin e tij për procesin gjyqësor në Hagë ndaj ish-presidentit Hashim Thaçi dhe ish-krerëve të tjerë të UÇK-së.
Rubin theksoi se një vendim dënues pa prova do të ishte një “tragjedi e vërtetë për njerëzit që luftuan” dhe do të lëndonte sistemin ndërkombëtar juridik, duke ulur gatishmërinë për krijimin e tribunaleve të ngjashme në të ardhmen.
“Lutem që kjo të mos ndodhë. Kjo do të ishte një njollë e tmerrshme për sistemin ndërkombëtar juridik dhe do të dëmtonte për një kohë të gjatë gatishmërinë për të krijuar ndonjëherë sërish një tribunal ndërkombëtar si ky,” tha Rubin.
