Ish-presidenti francez, Nicolas Sarkozy, i cili është dënuar me pesë vjet burg për financim të paligjshëm të fushatës së tij zgjedhore nga regjimi i Gadafit në Libi, po gëzon trajtim preferencial në burgun La Santé në Paris, sipas mediave.
Sarkozi është i vetmi i burgosur që lejohet të takojë familjen e tij deri në katër herë në javë dhe përfiton nga vizita më të gjata nga të burgosurit e tjerë, në një mjedis burgu tashmë të mbipopulluar.
Gruaja e tij Carla Bruni ka marrë leje të veçantë për të vizituar ish-presidentin francez deri në katër herë në javë. Një privilegj i rrallë, i theksuar nga disa burime brenda institucionit, duke pasur parasysh se ligji teorikisht u jep të pandehurve vetëm tre vizita javore.
Ish -modelja u sigurua që të ishte pranë tij që nga orët e para të burgosjes. Sapo Sarkozi u sistemua në qelinë e tij, Carla Bruni nxitoi t’i sillte sanduiçe, duke e ditur se vaktet e ofruara në burg nuk ishin aspak sipas shijes së tij, po sipas mediave.
Carla Bruni jo vetëm që ka siguruar privilegjin e më shumë vizitave, pasi, sipas RTL, takimet e saj me Nicolas Sarkozy zgjasin edhe më shumë se 45 minutat që zakonisht u caktohen të burgosurve të tjerë. Çdo takim thuhet se zgjat pothuajse një orë.
