Ish-ndihmës sekretari amerikan i Shtetit, James P. Rubin, ka folur për gjyqin e ish-udhëheqësve të UÇK-së në Hagë gjatë një interviste në podcastin Balkans Debrief me gazetaren Ilva Tare.
Rubin theksoi se dënimi i figurave si Hashim Thaçi, pa prova të mjaftueshme, do të ishte një tragjedi, duke kujtuar se këta udhëheqës luftuan për lirinë e Kosovës.
Ai paralajmëroi gjithashtu se një vendim i tillë do të ndikonte negativisht edhe për gjykatat ndërkombëtare të ardhshme.
“Shpresoj që kjo të mos ndodhë, sepse do të ishte një tragjedi për ata që luftuan dhe dhanë jetën për liri, si dhe për njerëzit që përfaqësojnë sot miliona kosovarë dhe shqiptarë. Një dënim pa prova do të ishte një goditje e rëndë për sistemin ndërkombëtar dhe do të ketë pasoja afatgjata për krijimin e gjykatave ndërkombëtare në të ardhmen.”
